“Mae Young Marble Giants wedi cael dylanwad cerddorol mawr arna’ i... Fe alla’ i deimlo ryw déjà vu yn eu cwmni”. 
Susumu Yokota

Band ôl-bync o a ffurfiwyd yng Nghaerdydd yn 1978 oedd Young Marble Giants. Cynhyrchydd recordiau a chyfansoddwr o Japan oedd Susumu Yokota (22 Ebrill 1960 – 19 Mawrth 2015). 

Prosiect yw hwn sydd wedi’i enwi ar ôl cân gan Young Marble Giants, Choci Loni, a thrac gan Susumu Yokota, Tobiume. Yn ei sgil, mae meddyliau, teimladau, hunaniaethau, alawon, ymadroddion a rhythmau cyffredin yn cyd-blethu. 



Mae chwech artist, tri o Japan: Reina Kimura (dawnswraig/coreograffydd), Ichi (cerddor/artist perfformio) a Reiko Aoyagi (artist amlgyfrwng gweledol) a thri o Gymru: Anushiye Yarnell (dawnswraig/artist perfformio/artist gweledol), Ya Yonder (cerddor/artist perfformio) a Tess Gray (artist gweledol/artist perfformio) yn cael eu gwahodd i ymateb i’r llinyn cyswllt bychan iawn hwn a grëwyd unwaith rhwng Japan a Chymru.



Mae cyd-destun ehangach i’r prosiect yn y modd y bydd y cenhedloedd hyn, sydd wedi’u lleoli ar ynysoedd, yn dod o hyd i gyfleoedd i fynegi’u hunain yn arbrofol mewn diwylliannau sydd wedi cael eu hystyried ar adegau yn rhai dirodres, ac yn rhai sy’n cydymffurfio â math o barchusrwydd traddodiadol. Mae’r ymdeimlad hwn o ymatalgarwch yn creu tir ffrwythlon dros ben ar gyfer hynodrwydd herfeiddiol.



Bydd yna gerddoriaeth, symud, teithiau gweledol a thalpiau bach o hud a lledrith braf.  Gwehydd chwareus yw’r bydysawd, ac mae’n ein croesawu ni i gyd i ddod yn edefyn llachar ynddo.



___

Yn 2025, mae’n ddeng mlynedd ers marw Susuma Yokot ac yn 35 o flynyddoedd ers rhyddhau unig albwm Young Marble Giants, Colossal Youth. 

___


Rhwydwaith o bobl greadigol o Japan a Chymru, dan arweiniad artistiaid

Delwedd lonydd o’r perfformiad

Darn o fideo